Sentimos comunicar que plandeGira va a cerrar, tenéis los motivos en este artículo.
Si te hemos resultado útiles, puedes ayudarnos a mantener los servidores activos haciendo una donación via Paypal
Mileth é un proxecto musical nado no maxín de Marcos e Diego nas costas cantábricas da Mariña Lucense. O proxecto trasládase a Vigo no 2009 para cobrar vida e constituírse como banda ata completar a formación con sete integrantes.
A proposta inicial parte da busca de un son propio, bebendo da influencia de distintos estilos e envolvendo lírica e música dun halo de misticismo galaico. Así, dunha xénese musical enfocada principalmente ó Pagan e Folk metal europeo, emerxe nas composicións unha ollada ó folklore galego co fin de dar unha definición ó grupo baseada nas propias raíces. Seccións máis duras, achegadas ó Black Metal Melódico e ó Melodeath, alternan e fúndense con outras máis melódicas e épicas apoiadas polo violín, os teclados e instrumentos tradicionais, principalmente galegos e irlandeses. Esta dualidade tamén se mantén na parte vocal. A combinación de voces feminina e gutural, xunto cos coros, xogan un papel importante nesta recreación musical que evoca a romántica do celtismo, o sentir ancestral e o amor polo enxebrismo e a cultura galaica.