Terbutalina

Neste concerto estarán presentes dúas das grandes referencias do garaxe en galego.Por unha banda teremos a Terbutalina, grupo de muros que mestura o rock, o garaxe e o punk para dar lugar a un produto musical entre os primeiros Siniestro, o espectáculo dos Heredeiros e a ironía de Lehendakaris Muertos.Para mostra o seu disco "Broncodilatador" que levan tocado por todo o país (e tamén o farán no Reperkusión) no que mesturan diversión, empanada e velocidade.E por outro lado, Familia Caamagno: Dende a Galiza máis profunda e remota chegan para mesturar o garaxe, o blues, a empanada de pulpo, os spaguetti bolognesa, a proba dos rixóns, o rhythm and blues, o punk, o sexo nas obras, a hixiene persoal e a extorsión con swing, pretenden facer bailar a todos os que se acheguen ás súas galas. Aínda que non queiran.